Өнөөдөр өглөөний 10.00 цагийн үед зам тээврийн ноцтой осол гарч, 10 гаруй хүн бэртэж, нэг хүн амиа алдсан харамсалтай хэрэг гарсан талаар бид мэдээлсэн. Тодруулбал, Налайхаас ирж байсан “Зил-130” ачааны машин, “Стана” маркийн микроавтобустай мөргөлдөж, ослын улмаас “Стана” маркийн микроавтобусанд сууж явсан 10 гаруй хүн бэртэж, жолооч нь газар дээрээ амиа алджээ. Ослын газарт Яаралтай түргэн тусламж 103-ын гурван машин ирж, гэмтэж бэртсэн иргэдийг эмнэлэг рүү авч явсан байна. Эх сурвалжийн мэдээлж байгаагаар “Стана” маркийн микроавтобус гүйцэж түрүүлэх үйлдэл хийх гэж байгаад ийнхүү “Зил-130” ачааны машиныг мөргөж осол гаргасан байна.
Амиа алдсан жолоочийн хувьд 1987 онд төрсөн. Эхнэр хоёр хүүхдийн хамт амьдардаг байжээ. Ослын шалтгааныг тодруулахаар харьяа дүүргийн цагдаагийн хэлтэс ажиллаж байна.
Д.Ундрах /24tsag.mn
