Төр Төмбөгөр
УИХ-ын чуулганы хуралдаанд Ерөнхийлөгч Ц.Элбэгдорж үг хэлж байна. Үндсэн хуульд заасан бүрэн эрхийнхээ дагуу Монгол Улсын Ерөнхийлөгч УИХ-ын чуулганд өөрийн тааллаар оролцож улс орны дотоод, гадаад байдлын нэн чухал асуудлаар мэдээлж, санал оруулах эрхтэй байдаг. Энэ бүрэн эрхийнхээ хүрээнд тэрбээр өнөөдөр үг хэлж байгаа юм. Тэрбээр өнгөрсөн онд таван хошуу малын тоо толгой урд өмнө байгаагүй их хэмжээнд хүрснийг онцлов. Мөн хөрш их гүрний тэргүүнүүдийн айлчлал Монгол Улсын хувьд түүхэн ач холбогдолтой байсныг дурдсан юм. Түүний хэлсэн үгнээс онцлох хэсгийг дурьдвал:- Баялгаа боловсруулаагүй гаргавал хямралд шууд өртдөг. Хагас боловсруулбал хагас өртөнө.
– Бүтээх бүр хэцүү, нураах зогсоох хэчнээн хялбар мөн хорлонтой болохыг харж байна.
– Нураах гэсэн нь зөвддөг, хийж бүтээх гэсэн нь бурууддаг хандлагыг өөрчлөх хэрэгтэй.
– Төсвөө бүү тэлж бай. Таатай боломж ховор, бас түр зуурынх байдаг.
– Бид гадаад улстай хүйтэн дайн хийгээгүй. Харин бидний үүсгэсэн дотоодын хүйтэн дайн 8 гаруй их наяд төгрөгийн хохирол учрууллаа.
– Энэ хохирол одоо нүдэнд ил харагдаж хүүхэд эмэгтэйчүүдээ нөмгөн гүйлгэхэд хүргээд байна.Чуулганы хуралдаан үргэлжилж байна. Тун удахгүй дэлгэрэнгүй мэдээллийг хүргэх болно.
Баавар
Эх сурвалж : www.time.mn
