Төр Төмбөгөр
Ханиад томууны дэгдэлт улам хүчээ авч, хүүхдийн эмнэлэгүүд хэвтэх зайгүй болжээ. Энэ бол ганц өнөөдөр тохиож буй бэрхшээл биш. Сүүлийн хорь гаруй жил учирч байгаа “гамшиг”. Тухайн үеийн төр засгийнхан зөв төлөвлөж ажилласан бол ийм байдалд хүрэхгүй байсан хэмээн уулга алдан өвчтэй хүүхдээ сахих эцэг эхчүүд эмнэлэгээр дүүрэн болоод байна. Хүүхдийн эмнэлэгүүдийн хувьд нийтдээ 1800 гаруй ортой болчихвол хүчин чадлаа хангах ажээ. Тэгвэл одоо байгаа нь 1072 ор байна. Цаана нь 728 ор дутаж буй. Засгийн газраас Зам тээврийн яамны байрыг хүүхдийн эмнэлэг болгохоор шийдвэрлэсэн. Харин үүний засварт 6.2 тэрбум төгрөг хэрэгтэй болжээ. Хөрөнгө мөнгө гаргаад хүүхдийн эмнэлэгийн зориулалтаар ашиглахад харамсалтай нь энд ердөө л 150 ор нэмэгдэх юм.
Б.Баяр
Эх сурвалж: Tumen.mn
