Төр Төмбөгөр
Монголын рок поп урлагийн амьд домог “Хурд” хамтлагийн залуус монголын бүх сайхан эмэгтэйчүүддээ зориулаад удахгүй болох эмэгтэйчүүдийн баяраар буюу 3-р сарын 8-ны өдөр “Ханьдаа дуулъя”, “Инээмсэглэ бүсгүйчүүд” гэсэн хоёр гайхалтай тоглолтоороо бэлэг барих болсноо дуулгалаа.
Хэрвээ та хайртай бүсгүйгээ, хайрт ижийгээ, хайртай эгчийгээ хэрхэн баярлуулахаа шийдэж амжаагүй бол гуравдугаар сарын 8-ны өдөр тоглогдох “Хурд” хамтлагийн хоёр гайхалтай тоглолтноос сонголтоо хийн бэлэг барих боломжтой юм. Ингээд та бүхэнд тоглолтын мэдээллийг хүргье
Тэдний таньд барих эхний тоглолт бол “Инээмсэглэ бүсгүйчүүд” тоглолт юм. Энэхүү тоглолт 3 дугаар сарын 8-ны өдөр 15:00 цагаас АСА Циркд тоглогдох бөгөөд Монголын бүх үзэсгэлэн гоо бүсгүйчүүд та бүхэнд зориулагдаж байгаа юм.
Тус тоглолт нь “Хурд” хамтлагийн АСА циркд зохион байгуулаж байгаа гуравдахь удаагийн тоглолт болж байгаа юм. Дашрамд дуулгахад “Инээмсэглэ бүсгүйчүүд” тоглолтод хүрэлцэн ирсэн бүхий л бүсгүйчүүддээ “Халгай” брэндийн бүтээгдэхүүнийг бэлэг болгон өгөх гэнэ лээ. Хайртай ханиа, найз бүсгүйтэйгээ “Хосгүй” өнгөрүүлэх баярын өдрөө хамтдаа “Хурд”-тай өнгөрүүлж хөг нэмээрэй.
Харин хоёрдахь тоглолт буюу “Ханьдаа дуулъя” тоглолтын мэдээллийг хүргэхэд 1998 оноос хойш жил бүр уламжлал болгон тоглож байгаа бөгөөд энэ жил хоёр дахь жилдээ тоглож буй юм.
Энэ жилийн тоглолт Монголын №1 клуб “CASTLE”-д 600 үзэгчдэд зориулан “VIP” хэлбэрээр зохион байгуулагдаж байгаагаараа онцлогтой.
Тус тоглолтонд урилгаар Монголын рок попын сор болсон уран бүтээлчид оролцох бөгөөд үзэгчид маань 20:00-23:00 цагийн хооронд шоу тоглолтоор хөглөгдөх бол үргэлжлүүлэн 23:00-04:00 цагт Монгол гадаадын шилдэг DJ, MC, ОХУ-ын секси бүжигчдийн гайхалтай шоугаар баяраа тэмдэглэх боломжтой гэнэ.
Дашрамд дуулгахад шоу тоглолтын зохион байгуулагчдийн зүгээс үзэгчиддээ бэлэг болгож 20:00-23:00 цагийн хооронд болох шоу тоглолт, 23:00-04:00 цагийн party-нд 1 тасалбараар үйлчлүүлэх боломжыг олгож байгаа юм байна.
Тоглолтын талаарх дэлгэрэнгүй мэдээллийг 99117476, 99139933, 89894373 дугаараас авах боломжтой
www.Urlag.mn
