Төр Төмбөгөр
Өнөөдөр домогт долоодугаар сарын 01 тохиож байна. Одоогоос долоон жилийн өмнө эл өдөр сонгуулийн үр дүнг эсэргүүцсэн ард иргэд үймээн самуун дэгдээсний улмаас таван сайхан залуу халдлагад өртөж, амиа алдаж байсан харамсалтай хэрэг гарсан.Тэгвэл өнөөдөр улс төрийн гэх тодотголтой энэ бохир хэрэгт хэдэн хурандаа нар хариуцлага үүрч ял эдэлснээс өөрөөр юу ч өөрчлөгдөөгүй, тушаал өгсөн гэх эрхмүүдэд ямар нэгэн хариуцлага тооцоогүй өнгөрсөн юм.
Харин төр, засгийг хүчтэй шүүмжилж, эсэргүүцэж байгаа Гавьяат жүжигчин С.Жавхлан болон сагсчин Ц.Шаравжамц нар өнөөдөр Чингисийн талбайд морин цагт буюу 11:40-д даахиа үргээлгэх ёслолыг үйлдэж, бусдыг үсээ хусахыг уриалаад байгаа юм. Энэ үйл явдлыг үймээн самуун болгож, бусдыг турхирах вий гэхээс эмээж цагдаа нар хамгаалалтад гарах ажээ. Эх сурвалж www.wikimon.mn
