Нийслэлд сүүлийн үед “Хордлого авлаа”, “Осол боллоо” гэх мэдээлэл тасрахаа болилоо. Харамсалтай нь энэ мэдээ болгоны ард хүний алтан амь, аль эсхүл хүүхдүүд, томчуудын эрүүл мэндийн асуудал яригддаг юм. Налайхын уурхай, Төв цэвэрлэх байгууламжийн осол гээд хэд хэдээр нь хүний амь авч одсон айхтар ослууд ойрхон гарлаа. Мөн улс төрд нөлөө бүхий эрхмүүдийн томоохон компаниудын барилга дээр ажиллаж байсан хүний амь сүйдсэн хэрэг өнгөрсөн намар гарч байлаа. Ер нь сүүлийн үед ингэж цаг бусаар амиа алдсан хүмүүсийн тоо ялангуяа нийслэлд байн байн гарах болсон.Бас нэр хүндтэй компаниудын оруулж ирсэн дэлхийд нэртэй сүлжээ хоолны газрын бүтээгдэхүүнээс хордсон тохиолдол нэг бус удаа гарлаа.Үүнээс гадна нийслэлийн ундны усны гол ундарга болдог Туулын эхийг хамгаалах, энэ голын дагуу хайрга дайрганы карьер ажилладаг. Энэ ногоон бүсэд улс төр, бизнест нөлөө бүхий хүмүүс барилга байгууламж олноор барьдаг явдал гаарсан. Энэ бүхэнд хараа хяналт тавих ёстой хамгийн эхний байгууллага бол Нийслэлийн Мэргэжлийн хяналтын газар /НМХГ/.Угаасаа Мэргэжлийн хяналтын байгууллага нь Монгол Улсын нутаг дэвсгэрт хуулийг сахиулан, иргэдийн эрүүл, аюулгүй орчинд амьдрах, чанартай бүтээгдэхүүн үйлчилгээ хэрэглэх, хүний болон нийгмийн тогтвортой хөгжил, бизнес эрхлэх таатай орчин нөхцөлийг бүрдүүлэх үүрэгтэй. Тиймээс НМХГ гэж данхар том бүтэцтэй газар ажилладаг юм.НМХГ-ын даргаар Л.Эрдэнэчулуун 2012 оны УИХ-ын сонгуульд АН ялснаас хойш ажиллаж байгаа. Энэ хүн хоёр дэд даргатай. Бас Тамгын газрын дарга бий. Тамгын газар нь таван хэлтэстэй. НМХГ буюу Л.Эрдэнэчулуун даргын мэдэлд дээрхээс гадна мэргэжлийн чиг үүрэг бүхий хяналтыг хийдэг есөн хэлтэс, бас Төв лаборатори байдаг. Мөн есөн дүүргийн Мэргэжлийн хяналтын хэлтэс бий. Ингэхээр НМХГ-т харьяалагддаг Улсын байцаагчийн тоо зуу зуугаараа яригдана гэсэн үг.Гэвч ийм бүтэцтэйгээр ажиллаад дээр дурдсан осол, хордлого, байгаль орчныг сүйтгэх явдлыг зогсоохгүй байна уу гэвэл үгүй гэж болно.Эх сурвалжуудын мэдээллээс харахад энэ бүхэнд НМХГ-ын даргын үүрэг чухал байдаг байна. НМХГ-ын даргыг нэр цохож хэлдэг УИХ-ын гишүүн ч бий.Шуудхан хэлэхэд ямар ч байгууллага даргынхаа бодлого, чиг баримжаагаар л ажилладаг. Ялангуяа Монголд энэ бол тодорхой болсон зүйл юм.Сүүлийн үед эрх баригчид, Мэргэжлийн хяналтын байгууллагынхан НМХГ-ын дарга Л.Эрдэнэчулууныг энэ албан тушаалд ажиллах хугацаа нь болсон гэж үзэж эхэлсэн бололтой байна.Хэрвээ Төрийн өндөр дээд албан тушаал хашиж буй нэр бүхий эрхэм хаалт хийгээд зогсоочихгүй л бол Л.Эрдэнэчулууныг ажлын хариуцлага хүлээлгэх зарчмаар ойрын үед албан тушаалаас нь өөрчлөх сураг Төрийн ордон хавиас гараад эхэллээ. Ө.БААСТ
1 сэтгэгдэл
Төстэй мэдээлэл
Э.Галбадрал: Ард түмэн сонголтоо аль эрт хийчихсэн. Өнөөдрийн эрх баригчдын үг, үйлдэл усан дээр тогтсон хөөс мэт байгаа
АН-ын Улс төрийн зөвлөлийн гишүүн, Намын даргын Ажлын албаны дарга Э.Галбадралтай ярилцлаа. Түүнийг Дүнжингаравын дэргэдэх аймшигт галд өртсөн гэдгээр нь хүмүүс мэднэ. Бээжингийн Цэргийн төв эмнэлэгт эмчлүүлж ирээд...
1 Үзсэн
Хөдөлмөрийн аюулгүй байдал, эрүүл мэндийн төв БНСУ-ын “Hoseo University”-тэй хамтран ажиллах санамж бичигт гарын үсэг зурлаа
Хөдөлмөрийн аюулгүй байдал, эрүүл мэндийн төвийн дарга М.Даваабатаар ахлуулсан ажлын хэсгийн бүрэлдэхүүн Бүгд найрамдах Солонгос улсад ажиллалаа. Энэ үеэр БНСУ-ын Сөүл хотын Гансо дүүргийн иргэдийн төлөөлөгчдийн хурал...
3 Үзсэн
СПОРТ клубт нэг, нэг удаа ҮНЭГҮЙ хичээллэж үзэх үү?
Спорт клубуудын сарын дундаж төлбөр 150 мянган төгрөг гэж тооцвол төлбөрөө сараар нь бүтэн төлөөд 14 хоног яваад орхих нь хайран биш гэж үү? Спортуудын талаар хангалттай мэдээлэлгүй, завгүй амьдралын хэв маяг, замын...
4 Үзсэн
ЯМАР АРД ТҮМЭН БАЙНА -> ТИЙМ ЗАСАГЛАЛ БАЙНА, ЯМАР ЗАСАГЛАЛ БАЙНА -> ТИЙМ АРД ТҮМЭН БАЙНА. ЭНЭ БОЛ ТЕОРЕМ. АРХИЧИН АРД ТҮМНИЙГ УДИРДАХАД АМАР. АРХИЧИН ХҮН МАРГААШ ШАРАА ЯАЖ ТАЙЛАХАА БОДОХООС ӨӨР ЗОВЛОН ҮГҮЙ. ДАЙСАН БИДНИЙ ДОТОР БАЙГАА. БИД ӨӨРӨӨ ӨӨРИЙНХӨӨ ДАЙСАН.ӨӨР ХЭН Ч БИШ-ХЯТАД,ОРОС, АМЕРИК … БИШ. ИНГЭЖ ЯДУУ АМЬДАРЧ БАЙГААДАА ЮУНДАА ГАЙХАХ ВЭ.