Төр Төмбөгөр
Монгол ардын харилцаа дуунуудаас бүрдсэн “Язгуур” нэртэй цомог нь соёл урлагийн салбарт тасраад байсан ардын харилцаа дууг эргэн сэргээж дуулсан нь мэргэжлийнхнээс өндөр үнэлгээ авч анхны бие даасан “АРГАГҮЙ АМРАГ” тоглолтоо хийж, Говийн өндөр, Цэнхэрлэн харагдана хэмээх ардын дууг хамтран дуулсан уртын дуучин, МУСТА Д.Жавхаасайхан, Д.Үүрийнтуяа нарын уран бүтээл амжилттай үргэлжилж байна.
Хун юу цагаан галуу шувуухай
Хулстай нуурандаа шумбан сууна хөө,
Холын зочид хүрээд ирлээ дээ
Хонуут өнжүүд найрлан сууя даа хө…
Өвөрмонгол ахан дүүсийн алдарт “Хун галуу” хэмээх энэ дуу нь тэдний хувьд айлчлан ирсэн зочин гийчиндээ зориулж дэлгэдэг аялгуун хадаг нь юм. Өвөрмонголын алдарт энэ дууг ар монголд эгшиглүүлсэн уртын дуучин Д.Жавхаасайхан, Д.Үүрийнтуяа нар энэ дууныхаа клипний зураг авалтыг Өвөрмонголын Шилийнгол аймгийн Зүүн Сүнэд хошуу болон Авга хошууны нутагт байрлах Чингис Богд ууланаа хийсэн байна.
Эрхэм уран бүтээлчид Арван тавны сар хэмээх Монгол ардын дууг этник хэлбэрт оруулан дуулж удахгүй дахин шинэ уран бүтээлээрээ уулзах болно.
